Бірыңғай жиынтық төлем (БЖТ) жеке жұмыспен айналысатын, бірақ жеке кәсіпкер ретінде тіркелмеген азаматтардың кәсіпкерлік қызметін заңдастыру мақсатында Қазақстан Республикасының Салық кодексінде (774 -776-баптар) бекітілген төлем.

БЖТ төлемшісі кім бола алады?
• жалдамалы жұмыс күшін пайдаланбайтындар
• жеке тұлғаларға қызмет көрсететін немесе адамдарға ауылшаруашылық өнімдерін сата алатын
• жылдық табыс жылына 1175 АЕК-тен аспайтын азаматтар(3 427 475 теңге

БЖТ сомасы салықтарға қалай бөлінеді?
Бұл сомаға 4 төлем кіреді:
Кіріс салығы-10%;
Әлеуметтік шегерімдер -20%;
Міндетті зейнетақы төлемі -30%;
МӘМС төлемі-40%.

Төлем мөлшері мен шарттары
БЖТ сомасы ай сайын төленеді және мынаны құрайды:
Нұр-Сұлтанда, Алматыда, Шымкентте және облыстық маңызы бар қалаларда тіркелген жеке тұлғаларға 1 АЕК (2 917 теңге)
Басқа елді мекендерде (оның ішінде ауылдық жерлерде) тіркелген жеке тұлғалар үшін 0,5 АЕК (1 458,5 теңге).

БЖТ төлеушілері төлем заңдылығын сақтауы керек екенін ескертеміз (алдыңғы үш ай + ағымдағы), ағымдағы айды төлемеген жағдайда МӘМС жүйесінде медициналық көмек алу құқығынан айырылуыңыз мүмкін.
Мысалы, егер ағымдағы күнге БЖТ төлеушісінде төлем болмаса, онда МӘМС жүйесінде медициналық көмек алу құқығы «САҚТАНДЫРЫЛҒАН» мәртебесін алған сәттен бастап яғни төлем толығымен төленгеннен кейін пайда болады(алдыңғы үш айдан кем емес төлемі болған жағдайда)

Міндетті медициналық сақтандыру жүйесінде үздіксіз мәртебеге ие болу үшін келесі айға БЖТ төлемін алдын-ала төлеу ұсынылады