Қазақстан Республикасы Президентінің 2016 жылғы 15 қаңтардағы № 176 Жарлығымен бекітілген Қазақстан Республикасының денсаулық сақтау саласын дамытудың 2016 - 2019 жылдарға арналған «Денсаулық» мемлекеттік бағдарламасын іске асыру шеңберінде Қазақстан Республикасының Денсаулық сақтау және әлеуметтік даму министрлігі Салауатты өмір салтын қалыптастыру проблемалары ұлттық орталығының ұйымдастыру-әдістемелік жетекшілігімен 6-11 маусым аралығында «Біз – салауатты өмір салтын ұстанамыз!» ұранымен «Денсаулық фестивалі» атты кең ауқымды акциясын өткізеді.

Жеткіліксіз дене белсенділігі әлемде өлім-жітімнің маңызды қауіп-қатер факторлары бойынша төртінші болып, жыл сайын жеткіліксіз дене белсенділігінен шамамен 3,2 миллион адам қаза табады. Жеткіліксіз дене белсенділігі жүрек-қантамыр, обыр және қант диабеті секілді жұқпалы емес аурулардың (бұдан әрі - ЖЕА) дамуының басты қауіп-қатер факторларының бірі болып табылады. Дене белсенділігі денсаулық үшін маңызды артықшылығы бар және ЖЕА-ның алдын алуға ықпал етеді. Бұл тақырыпқа елде халық арасында медицина қызметкерлерінің ақпараттық-түсіндіру жұмысы арналатын болады.

Жұқпалы емес аурулардың таралуының алдын алу мақсатында ДДҰ 2013-2020 жылдарға арналған ЖЕА-ның алдын алу және онымен күрес жөнінде ғаламдық әрекеттер жоспарын қабылдаған. Аталған жоспарды жүзеге асыру 2025 жылға қарай жүрек-қантамыр, онкологиялық және созылмалы респираторлық аурулардан болатын мезгілсіз өлім-жітімді 25%-ға шектеуге, соның ішінде қант диабеті мен семіздіктің таралуын төмендетуге және жеткіліксіз дене белсенділігінің таралуын  10%-ға шектеуге бағытталған 9 ғаламдық мақсатқа қол жеткізуге ықпал етеді.

Түрлі халық топтарының денсаулығы үшін ұсынылған дене белсенділігінің деңгейі: жастық топ: 5–17 жас, 18–64 жас, 65 жас және одан үлкен жас.

5-17 жастағы балалар мен жастар үшін күнделікті 60 минут дене белсенділігімен бірқалыпты және жоғары қарқындылықта айналысу ұсынылады. Дене белсенділігіне ойындар, жарыстар, спорт сабағы, жүру, сауықтыру шаралары, дене шынықтыру немесе отбасы, мектеп және өз ауданында жоспарлы жаттығу жасау жатады. Жүрек-қантамырлар жүйесін, сүйек-бұлшықет тіндерін күшейту және жұқпалы емес аурулар қаупін төмендету үшін ұсынылады.

18-64 жастағы ересек адамдар үшін аптасына 150 минут бірқалыпты және жоғары қарқындылықтағы дене белсенділігі ұсынылады. Дене белсенділігіне сауықтыру жаттығулары немесе бос уақытта жаттығу жасау, қозғалыс түрлері (мысалы, велосипед немесе жаяу жүру), кәсіби қызмет (яғни, жұмыс), үй жұмыстары, ойындар, жарыстар, қызмет, отбасы және қоғам шеңберінде спорттық немесе жоспарлы жаттығулар жатады.

65 жастан жоғары тұлғалар үшін аптасына кемінде 150 минутты орташа қарқындылықтағы аэробика жаттығулары немесе аптасына кемінде 75 минут жоғары қарқындылықтағы аэробика жаттығулары немесе орта және жоғары қарқындылықта осындай дене белсенділігіне уақыт бөлу қажет.

Осы жастық категориядағы буыны ауыратын ересек адамдар құлау қаупінің алдын алатын аптасына 3 немесе одан көп тепе-теңдікті сақтау жаттығуларын жасаулары қажет. Басты бұлшықеттер қосылған күш жаттығуларына аптасына 2 немесе одан көп күн арнау қажет.

Дене белсенділігіне жүрек-тыныс алу жүйелерін, сүйек-бұлшықет тіндерін, қызметті жағдай мен жұқпалы емес аурулардың қаупін, күйзеліс және когнитивтік қызметтің бұзылуын төмендету мақсатында сауықтыру жаттығулары немесе бос уақытта жаттығу жасау, қозғалыс түрлері (мысалы, велосипед немесе жаяу жүру), кәсіби қызмет (егер адам жұмыс істеуді жалғастырса), үй жұмыстары, ойындар, жарыстар, қызмет, спорттық немесе жоспарлы жаттығулар жатады.

«Денсаулық фестивалі» атты кең ауқымды акциясының мақсаты – салауатты өмір салтын ұстануға жұртшылықтың, бұқара халықтың назарын аудару.

Өткізілу орны: жарысқа және скейтборд, ролик, самокат, велосипедті жаппай тебу мен жаппай жүгіруге және т.б. арналған  арнайы белгіленген орындар (спорттық стадиондар, алаңдар, орталық көшелер, ашық орындар, саябақтар).

Акцияға қатысушылар: жалпы білім беретін мектептердің (5-11 сынып) оқушылары, орта және жоғары оқу орындары студенттері, ұйымдасқан еңбекке қабілетті халық, жедел шақырылған әскери қызметкерлер, ішкі істер органдарының қызметкерлері,  ардагерлер, зейнеткерлер және белсенді өмір сүруді ұстанушылар.